مع زيادة استخدام التكنولوجيا فى أماكن العمل ادى ذلك الى زيادة أستخدام الكهرباء وزيادة  تعامل  الأفراد معها ، ورغم أهمية الكهرباء الكبيرة وفؤائدها الا انه فى نفس الوقت فيها اخطار كثيرة لابد من معرفتها وتحذير العمال منها

مخاطر الكهرباء 

تنقسم مخاطر الكهرباء الى :

أولا : الصعق الكهربائى

ثانيا : حدوث شرر وفرقع

ثالثا : الحروق

رابعا : الحرائق

الصعق الكهربائى

بيحصل الصعق الكهربائى بسبب الاتصال بطرفى الموصل فى نفس الوقت او فى وقت ملامسة العامل لأحد الأسلاك فى نفس وقت ملامسته للأرض

ليه التاثيرات السلبية للصعق الكهربائى مش واحدة ؟

بتختلف اضرار الصعق الكهربائى على حسب اشياء كثيرة مثل :

الرطوبة :

فلو العامل جسمه رطب بتكون مقاومة جسمه للكهرباء ضعيفة وده بيزود من التأثيرات السلبية وأضرار الصعق الكهربائى

شدة التيار :

فعلى حسب شدة التيار بيظهر التأثير على العامل من الشعور البسيط بالوخز لحد الوفاة

مدة سريان الكهرباء :

بمعنى أنه كلما زاد تعرض الجسم للكهرباء كل ما بتقل مقاومته للكهرباء ، وده بيؤدى لزيادة خطورة الصعق وتاثيره

مسار التيار داخل الجسم :

فلو مر التيار مثل بشكل موازى لمحور الجسم فان جزء كبير من التيار بيمر من خلال القلب وده بيزود الاضرار الحاصلة  من الصعق بخلاف لو مر التيار من خلال القدم مثلا لأنه تقريبا التيار لايصل للقلب وده بيقلل من الاصابة المتوقعة

الشرز والفرقعة

وده بيحصل نتيجة قفز تيار عالى من موصل لموصل ثانى فى أثناء تشغيل او إيقاف الدائرة الكهربائية أو عند تفريغ الشحنات الإستاتيكية

الحرائق

وبتحصل الحرائق لما تتحول الطاقة الكهربائية الى طاقة حرارية فمثلا لو ارتفعت درجة حرارة الاسلاك الكهربائية فغالبا ده بيؤدى الى احتراق الاجزاء البلاستيكية المحيطة بالأسلاك

مما يؤدى غالبا الى الحرائق
اصابات الحروق

وتكون الحروق نتيجة للتعرض للصدمات الكهربائية وبتختلف درجة الحروق نتيجة لشدة التيار واتجاهه فى الجسم وتكون اثار الحريق ظاهرة فى مكان دخول وخروج التيار الكهربائى